Mae Menter Môn yn cynnal cynhadledd COP bach am 1yh dydd Gwener y 5ed o Dachwedd. Bydd y gynhadledd yn canolbwyntio ar COP26 a’r argyfwng hinsawdd. Hoffem wahodd plant blwyddyn 5 a 6 i ymuno â ni yn rhithiol trwy zoom ar gyfer y gynhadledd. Gyda digwyddiad mor flaenllaw â chynhadledd COP26 yn digwydd yn yr Alban, mae Menter Môn yn cydnabod pwysigrwydd dod a’r digwyddiad i blant Môn.

Bydd y gynhadledd yma yn cyfrannu at y Maes Dysgu a Phrofiad Gwyddoniaeth a Thechnoleg trwy addysgu’r disgyblion am: yr argyfwng hinsawdd, gyrfaoedd STEM a sut mae meddylfryd dylunio a pheirianneg fel Morlais yn cynnig ffyrdd technegol a chreadigol i ddiwallu anghenion a dymuniadau cymdeithas.

Dyma restr o’r sesiynau fydd yn cael eu cynnal fel rhan o’r gynhadledd:

• Croeso a chyflwyniad i’r COP bach
• Cyflwyniad ar Morlais a fidio
• Gweithgaredd ôl troed carbon y disgyblion
  • Beth yw dy ôl troed carbon di? Pa weithgareddau byddi di’n eu gwneud yn ystod y bore?
  • Bydd templed troed wedi ei rannu gyda’r ysglion o flaen llaw.
  • Cyfle i’r plant drafod a meddwl am eu gweithgareddau a’u nodi yn y siap troed.
• Cyflwyniad gan Nel Richards – myfyrwraig sydd yn gohebu o’r gynhadledd yn yr Alban.
• Gweithgaredd gohebu – creu teitl fyddai’n denu sylw papurau newydd.
• Cyflwyniad gan Ann Davies – Lighsource BP – Ynni Solar
• Cyflwyno fideo sydyn o Carwyn a Carwen – ceir trydan Menter Môn
• Gweithgaredd rhyngweithiol – Disgyblion i gael ychydig o funudau i feddwl am enw i fws mini trydan dychmygol eu hysgol nhw.
• Gweithgaredd – Cwis Kahoot
  • Bydd y cwis yn ymwneud â COP26, Newid Hinsawdd a gweithgareddau amgylcheddol Menter Môn
  • Bydd ambell wobr o safon wedi eu trefnu i enillwyr y cwis.
• Cloi a gwahodd yr ysgolion i wneud ‘addewid i’r blaned’
  • Bydd templed siap deilen yn cael ei rannu o flaen llaw neu gall y plant fynd allan i gasglu dail go iawn!
  • Yn dilyn y gynhadledd, y plant i feddwl am ac ysgrifennu eu ‘haddewid i’r blaned’ yn y dail. Rydym yn gwadd yr ysglion i dynnu lluniau a / neu ffilmio‘r dail gwyrdd a’i hanfon at Menter Môn er mwyn creu ffilm fer o addewidion plant Môn i’r blaned.

Dyma gyfres o adnoddau addysgol defnyddiol os ydych yn penderfynu gwneud mwy o waith ar COP26 o fewn eich ysgolion chi: Adnoddau Cymraeg COP26 – School Resources | Climate Change & The (twinkl.co.uk)

Linc Eventbrite: https://www.eventbrite.co.uk/e/cop-bach-mon-tickets-193454486577