Rydym yn falch o fod wedi arwyddo cytundeb cydnabod undeb llafur wedi’i ddiweddaru gyda Prospect. Dyma nodi carreg filltir bwysig yn ein hymrwymiad i berthnasoedd cyflogaeth cadarnhaol, ymgysylltu gyda staff yn ogystal â gweithio mewn partneriaeth.
Mae’r cytundeb yn ailgadarnhau Prospect fel yr undeb llafur sy’n cynrychioli staff ac yn sefydlu fframwaith clir ar gyfer deialog adeiladol a thryloyw rhwng gweithwyr ac uwch reolwyr. Mae’n darparu ffordd gyson i drafodaethau ddigwydd ar faterion o fewn y gweithle fel cyflog, telerau, amodau, ac arferion gwaith, gan sicrhau bod barn gweithwyr yn cael eu clywed a’u hystyried fel rhan o benderfyniadau sefydliadol.
Dywedodd Dafydd Gruffydd, Rheolwr Gyfarwyddwr Menter Môn:
“Mae’r cytundeb yma yn dangos ein hymrwymiad i fod yn gyflogwr teg a chefnogol. Rydym wedi cael perthynas waith gadarnhaol gyda Prospect erioed ac yn credu ei bod yn bwysig cael lle ar gyfer sgyrsiau dwyffordd gyda’n staff.
“Mae cydnabod Prospect yn cryfhau sut rydym yn cydweithio, yn cefnogi cyfathrebu agored ac adeiladol, ac yn adlewyrchu ein cred bod parch at ei gilydd a phartneriaeth yn hanfodol i greu amgylchedd gwaith cadarnhaol.”
Croesawodd Emma Grottan, Swyddog Gweithredol Negodiadau o Prospect, y cytundeb, gan ei ddisgrifio fel cam cadarnhaol sy’n dangos bod Menter Môn yn gwerthfawrogi ei staff ac wedi ymrwymo i ymgysylltu adeiladol. Dywedodd:
“Mae Prospect yn edrych ymlaen at barhau i weithio mewn partneriaeth â Menter Môn i gefnogi arferion cyflogaeth da, lles staff a diwylliant gweithle cryf sy’n fuddiol i weithwyr a’r sefydliad.”
Rydym yn edrych ymlaen at ddatblygu partneriaeth gref ac adeiladol gyda Prospect sy’n cefnogi ei bobl ac yn cyfrannu at amcanion cymdeithasol ac economaidd ehangach y sefydliad ar draws y cymunedau y mae’n eu gwasanaethu.
Am ragor o wybodaeth, ewch i: https://prospect.org.uk/
